أصيلة


 
اليوميةس .و .جالمنشوراتالرئيسيةبحـثالأعضاءمكتبة الصورالتسجيلدخولالمجموعات

شاطر | 
 

 شوية عتابا

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
زيد


avatar

عدد المساهمات : 199
نقاط : 3137
تاريخ التسجيل : 29/06/2010

تطبيقات
شارك هذا الموضوع:

شارك هذا الموضوع: Share

مُساهمةموضوع: شوية عتابا    الأحد مارس 04, 2012 2:18 pm


جرى هذا الحوار بيني وبين صديقتي المبدعه نور سوار ( سلحب ) :

ياللي بالفلا يرعى بقرتوا
اللبوة بمخلب بقوة بقرتوا
ليلى بميل اهدابا بقرتوا
ونالت مطلبا بعلم الحساب

نور سوار ---
مهما قسيت ع جبالك لبقرا
رغم اني لابكتب لابقرا
علوم الحق خلّوها لبقرا
الطبيب ال مابعد منّوا طياب
1.أبو زيد
ومن عينيك يا زين بقراك
ولو خبّيت الحكمة بلب بقراك
ولا تغتّر يا رجل بقراك
بأصيلة الطيبة نعم الشباااب
1.نور سوار ---
حبيب القلب ع الغايب قريني
قبل مايصير ياعالم قريني
أمانة ضمن مدرستك قريني
حتى ألف بحبك كتاب
أبو زيد
سطر محبتك ..بو زيد .. قرالك
وعلى طول الزمن يحرس قرالك
بكل اثامو وذنوبو قرالك ...
حتى تصفحي يوم الحساب
1.نور سوار
الحلوة قرِت بدروسا واناقريت
وقرّت عند حاكمنا وانا قريت
الطفلة ياأخي كبرت ونقّرت
متل عنقود بكرم العناب
• 2.نور سوار
ياكلمات مين غيري قراكم
وكم سلّقت لحبابي قراكم
بتحلى سوريا بطَلّة قراكم
علم وأدب من فخر النساب

نور سوار
بدي من الشوك عبي عدالي
صحابي الكانوا إلي صفّوا عدا لي
ولو كان في بهالدنيي حق و عدالي
ما كان اللي شفى الأعمى انصلب

أبو زيد
نور بالشعر باين عدلها ........ وجدلاتا بالموال ما حداعدلها
عدّولة حملت عالظهر عدلها ........ اي العدولتين بيختاروا الشباب
1.وسيم وسيم
بدمر ممالك الكون عدلكم
وصرت اتحسر بالعمر عدلكم
وسيم اذا سمعتو انو عدلكم
اجى ليطحبش زوار الادب
1.نور سوار
ياريت إرجع ياغالي وعدلك
لحتى القلب يحققك و عدلك
ياظلمك صرت أعرف وعدلك
يابعدو القلب حامل وجدلك
وأنا اللي عرفت لابيك و جدلك
وأنابغنيك بشعري وجدلك
عشير الروح مابدي بهدلك
يامتل حمام رح تهدل بهدلك
جبال العاليه لأجلك بهدلك
من الوردات عم قطف شهدلك
ويوسف بحسن وجهك شهدلك
غوالي وع دلالي شهدلك
لأوقف على العتبة عبدلك
أنا يا أسد ماقادر ع بدلك
عشيري وإذا دمعاتي عبدلك
ياكل ماالزين ع نبعك وردلك
أنا يازين رح قطف وردلك
وأنا بعرف لشعارك وردلك
أنت عندل إذا واحد عندلك
أنت بالهوى ماعندك عندلك
عشير الروح لوبين عندلك
أنا اللي عرفت لكحلك وميلك
الغالي إذا بيدو وميلك
عشير الروح ياما وميلك
أنا رح ساعدك بدمي وعيلك
وأنا اللي عرفت كلماتك وعيلك
إذا بقدم شي حجة وهيلك
عشيري بشم لبنك وهيلك
يامهما الزين تاركني وهيلك
بحملك على دللالي وشيلك
يابعد الكي رح أعرف وكيلك
أنا بحبك والله وكيلك
بزينك بدمعاتي وكيلك
وحامل نارياغالي وكيلك
انايازين بقلبي لحملك
شو هالديب متوجه لحملك
متل النسر بالعالي لحملك
يابشار الأسد طول عمري منحلك
أمير النحل بعرف منحلك
يابشار الأسد الله منحلك
القوة من علي داحي الأبواب
أبو زيد
ثابت وللعلا ما يزيد فرعك
ضحل كتير مجرى ماء فرعك
بتمنى كتير يا محبووب فرعك
بليلة باردة والقمر غااااااب

نور سوار
صارو طيور للبوة يفرعون
وشهامة مابقي عندون يفرعون
لالاتتفرعن عليي يافرعون
بنظرة بركّع ليوث العتاب
نور سوار
انا بغرس ثماري وانت فرعون
وانا بكتب عتابا وانت فرعون
انا موسى بعلمي وانت فرعو ن
وانا اللي كتبت بايدي الكتاب

نور سوار العتابا تأصل بدمي فروعا
وع أقصى مدى تشمخ فروعا
لقتلك بحمل بإيدي فروعا
إذا قللت مع نورا أداااب
.أبو زيد
أبو زيد سبع غزلان من قلبي فرعهم
معاني وعبر أنهل من فرعهم
ورب العرش بالجنة فرعهم
أربع أنهار يا طيب الشرااااب
1.أبو زيد
طغاة الأرض تاهوا بـ فروعين
وبأصقاع الأرض امتدت فروعين
أربع أطيار على الجبل فروعين
ودعاهم أتو سعيا بلا ارتياب
1.نور سوار
شامخ للسما بالأدب فرعي
وبهمساتي تعي ياحروف فرعي
وقليل العقل ياسيوف فرعي
وحطي كل شقفة ع جنااب
نور سوار
وحق الرب مانك قليلة
وامثالك يابنت عمي قليلة
على المطبخ روحي قليلي
خمس بيضات وشوية كباب
نور سوار
نورا حين ماتمسك بديها
على الاشغال ياراعي بديها
عندي بعون مولايي بديها
بسرعة برق جاوب بالعتاب

اكتب تعليقاً......نور سوار
فتلنا كتير تنلاقي عقدنا
فتلنا كتير تنلاقي عقدنا
فتلنا كتير تنلاقي عقدنا
رجعنا وخاب ياحسرة التعاب

لورانس كالي
ياريت تكلميني كلمتين
تحارب بأشعاري كلمتين
ولا لمّة تفرّح عيوني كلمتين
اهدلي ياحمامتي لفيو الحباب
----




في سلام التأمل الأعمق غوراً يبصر المتأمل بدرَ الحضور الإلهي منعكساً في بحيرة النفس.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
زيد


avatar

عدد المساهمات : 199
نقاط : 3137
تاريخ التسجيل : 29/06/2010

تطبيقات
شارك هذا الموضوع:

شارك هذا الموضوع: Share

مُساهمةموضوع: شوية عتابا 0   الأحد مارس 04, 2012 2:42 pm

هذه اللأبيات جرت بيني وبين صديقي لورنس كالي ... مع بعض الأصدقاء ....لإي إحدى السهرات الفيسبوكية .... أحببت أن أضعها في المنتدى الثقافي .......

.مريم زمردة
من لطفك هالأصل لونا وذوقك
ياريتك شهد عسلاتي وذوقك
بقلم كحلة أنا بكحلك وذوقك
أميرة ومن سلالات العرب
2.أبو زيد
رهف احساس مع لطفٍ ذوق لك
بديتي ورد اللشفايف ذوقلك
اسمحيلي ع تنها يا حلوة ذوقلك
اللما الصافي المعتق والرضاب
أبو زيد
بمملكة العتابا زاد القلب دقتو
فيها فن عجبني كتير دقتو
ومن نور سوار طيب الكاس دقتو
لما ترندح شعر وأدااااااااب

وغير العتابا ما بيطفي نارنا

مريم زمردة ياياااااااااااااااااااااااااب
• 1.مريم زمردة وغير العتابا ما بيطفي نارنا
أبو زيد
شفت الزين عم يبسم ع طرفه
و مخبأ صديرو فايح عطر فيه
تعالي وقربي طرفك عطرفه
وخللي النارتولع باللهب

مريم زمردة مبدع ابو زيد
أبو زيد
رضابك حلو عسل و قطرلي
ياريت مهرك لمركبي مرة قطرلي
عيونك البحر وصدرك قطر لي
اسوح واسرح بالأربع جناب

أبو زيد
كرام الناس خبزهم للغير طعموا
ولئام الناس للملح نكار طعموا
أنبل الناس من للشجر طعموا
حتى نتهنا بعذب للشراب

نور سوار

غيري مين ع القافة يدلك
وغيري مين يقطعلك يدلك
ياويلك إذا ماتهرب يدلك
بدي علمك معنى الأداب

أبو زيد
بدري بالسما شرقا يدلك
ولفعل الخير ممدودة يد لك
وانت معلقّة بحبلي يدلك
وبهزّ الحبل لـ اسمع جواااب
1.نور سوار
كفا ياليل يادامس تحليك
ألا يارموز بالفطرة تحليك
عداري كل ماتعرّج تحليك
وفطورك عندي سيّااااااااااالة
وع اللالا ولالا ولالا
العتابا بدها رجالا
نور سوار
العيشة من بلا حوى شوكارها
مقيتة ومؤلمة وآدم شو كرها
لرب البشر عم تعلن شكرها
وإله العرش لبالا الطلب

أبو زيد
لا مال ولا جاه عندي بس روح
مشغولة بهواهم دوم بسروح
دخلك بلهفة قالت بس روح
ليك أمي صارت ورا الباااب

أبو زيد
بغزلان الفلا يا نور بسراح
وليالي العمر بالطيف بسراح
الهموم سكنت بالقلب بس راح
حبيب الروح وعن هالعين غاااب
مريم زمردة
يامحلا بلمّة حبابي عتبهون
متل الأسود هال تركن ع تبّهون
بقلم برّاق عم نكتب عتاب هون
حتى نفرّح قلوب الشباب

أبو زيد
تلات ايام عم بسمع عتب ليك
وادور الفلا عم ابحث عتب ليك
و عـ قدر محبتك شفنا عتب ليك
وعالي دايما يبقى عتاب ليك
يفوح منه عبير وأدااااب
نور سوار
إذا علييِّ شي يوم الزمن مالي
غير الصبر والسلوان مالي
شوينفع ياأخي الانسان مالي
إذا ماكان عشروا للحباب
أبو زيد
مالك يا حبيب القلب مالك ......... الصبر والسلوان كنز مالك
ومتلك بأنيابو الدهر مالك ......... وعلى منبر الشعر هيك انكتب
نور سوار
أنا من زمان عم دوّر عمالِك
أنا من زمان عم دوّر عمالِك
أنا من زمان عم دوّر عمالِك
أسافة يازمن ضاعوا الحباب
.أبو زيد
صرلي سنين عم دور عاملاك .......... انسى المال واهتم بـعملك
انا بالشعر يا ابني عم لاك .......... ومني تعلم فنون الأدب
أبو زيد
حرام عليك يا نورا تدخني
وليش بدك لأعدا ئي تدخني
شربوا الكاس من دنّي تدخني
وأجادوا وأطربونا بالعتااااب


أبو زيد
مرّ أنت وأقولك حلو مانت مر
وأحسك شهد كأنك من تمر
بتسبي الروح بعـبيرك من تمر
أمام الدار ولو تمييل يمّنـــــــــا
أبو زيد
أرض الرسل عليكي من تجنى
خير الكون فيكي مانت جنه
ترابك بالدم مرتوي ومنتجنَّه
أسوود الغاب فخرا للعرب
أبو زيد
مؤامرة في البلد يا ناس مو انتكاسة
وعجب جوعان دايما منتا كاسي
سوريا الحبيبة ماانت كاسة
.. وفيك الأنبيا شربو الشراب
لورانس كالي
القعر شي عيب يتطاول ع راسي (الجبل)
وسوى المذوق ما رح حطّو ع راسي
وما بقبل بالفرح عمّر عِراسي
إلّا بسوريا أمّ العرب
أبو زيد
أتمنى أحضر يا خي عرس لك
وحتى تكون ردا عـ رسلاك
تهدى شوي عليي عرسلاك
حتى نقدر نرد الجوااااب
.لورانس كالي
ع راسي انت يابوزيد عراسي
متل الورد رح شكك ع راسي
بفرح كل ماتحضر عراسي
انت فنان بفن العتاب

أبو زيد
بدوّ الحرف بالشام منشاه
و لمن نهوى طريق الحب منشاه
واللي ما بيميز النون منشاه
حرام يكون بأرض العرب

.لورانس كالي
بعمرو الاسد ماهاب من شاه
بعمرو الاسد ماهاب من شاه
بعمرو الاسد ماهاب من شاه
بعمرو الأسد مايحني رقاب
لورانس كالي
دخيلك يا نفس طيبي وجودي
قبل ما إيأس وإنقض وجودي
ومتل ما قالها أسعد وجودي
يا عمّي والحشا ما في صحاب

أبو زيد
نور بالمملكة يا زين وجدك
راقي كتير احساسك ووجدك
وكل من زار لرياضك وجدك
شهم وللعلا فاتح الباب
.لورانس كالي
زادك ربنا من الحسن رقّة وجودة
تصرت انسى في وجودك وجودي
اغمريني بلهفة المشتاق وجودي
عليّ بالقُبل ما تردّي الطلب
.أبو زيد
ابو أ بيك أعتبر جد لي
فن وأدب بالعتاب جاد لي
سمعت اليوم من لورنس جدلي
فيها علم مع فن وأدب
1.لورانس كالي
جدلي صاحب بهالزمن جدلي
تجلّوا متل ماجليت جدلي
وجدلي من قوافي الحب جدلي
تأستسلم وبوّس للتراب
2.أبو زيد
الله يرحم من البشر جد لك
يا لورنس ما أطيب جدلك
من جاد لغيرك جاد لك
وهيك بالمثل قالوا العرب
.لورانس كالي
جدي يابحور الشعر جدي
تأحكيلك كلام الصدق جدي
أنت خيي وجدك صار جدي
وانت بصبوص عيني والهداب
2.لورانس كالي
يابوزيد عالأحباب جود جود
تاأملي من الدمع للناس جود جود
كلامك عسل نطقك فعل جود جود
علمك زاد للعالم أدب
1.أبو زيد بين الناس انتشر جودك
وعذب صافي ماء جودك
وعلى الأعداء اقصف جو دك
حصون العدا لنحرر تراب
• 1.لورانس كالي
عتابا تعا نغنّي كتير ونجود
ونسمّع بقاع الارض ونجود
وين الكاس والراح و وين جود
تاتكمل فرحتي بملقى الحباب
1.أبو زيد
بين الناس نحنا نسود ونجود
سكنا تلال مع وديان ونجود
ولخيام حبنا نبني ونّ جود
القوم مفخرة العرب
( ونّ الخيمة أي ثبتها بالأرض وحفر حولها خندقاً )
.لورانس كالي
يالولا وجود خلاني ماجدنا
وبين الناس مايعلا مجدنا
منفرح كل ما الباري مجّدنا
بقلب ملهوف صابر ع المصاب
• 2.أبو زيد
بفن العتاب باين مجدكم
بفن القول راقي مجدكم
ولو ترسل النا مجدكم
نحترم ونّجلّ ابن الطيااب
.لورانس كالي
مجدي ياأخي الانسان مجدلك
بفنّك صرت عم مجّد مجدلك
وع حرف بحرف بحروفي مجدلك
بثقة وأحساس مرهف مجدلك
حتى اكتسب منك شهاب
• 2.أبو زيد
عمري ما كنت يوما مجادل
ولغزل الشعر عندي مجادل
وحرف بحرف للمعنى مجَد ل
حتى نطرب بفن العتاب
.لورانس كالي
لساني بعد كلماتك جدّالتك
وماعمري يوم ياغالي جدلتك
اذا ع النت بتنزّل جدلتك
بتطرب كل من غنى عتاب
1.أبو زيد
بالفخر والطيب باني مَجدلك
وبالفن ما حدا يرقى لـ مجدلك
وعلى اكتافك سابل مِجْدلك
وقار وهيبة زينة أهل الأدب
.Younes Almoukdad كلنا صحابك من دون. حشا
العتابا من قواميس الأدب حشا

ابن كالي بطون العدا حشا
ودحاها بنار اللهههههههههب
• 1.Younes Almoukdad أبو زيد للشعر فوق فوق. (من التفوق )
بيصحي الشعر فوق فوق. (من الغفوة )
سيفك بالوغى دايم فوق فوق
ابن غانم أمامك والله حدب
يا غدارين عن هالبلد حلو
مسائل المعقدة بالبلد حلو
أهلي هون بأصيلة حلو
مرارة الأيام بعلم وأداااااب



في سلام التأمل الأعمق غوراً يبصر المتأمل بدرَ الحضور الإلهي منعكساً في بحيرة النفس.


عدل سابقا من قبل زيد في الإثنين مارس 05, 2012 1:35 pm عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
زيد


avatar

عدد المساهمات : 199
نقاط : 3137
تاريخ التسجيل : 29/06/2010

تطبيقات
شارك هذا الموضوع:

شارك هذا الموضوع: Share

مُساهمةموضوع: رد: شوية عتابا    الإثنين مارس 05, 2012 1:29 pm


نور سوار

قـولـك كـنّـع كـنـاشـي وكـنـسـوا
اشـعـاري تـكـهـكـهـوا كـهـمـوا وكـنـسـوا
يـوم الأكـنـشـت كـنـشـي وكـنـسـوا
لأنـي صـلـت بـكـنـف الـغـضــــاب

لورانس كالي
في حدا بيعرف شومعنى هالموال المعقد؟؟؟
ارجو التفسير
أبو زيد
في يوم رحلة الأظعان
يا حبذا كهكهة الغواني . وحبذا تهاتف الرواني . .
أكيييد هاي كلمات من كوكب آخــــر .
نور سوار
---
نورا طلّت بالزئفة لاؤلا
وحروف الجرّ بالعركة لئولا
ع هالمنبر لاتدخل لاء ولالالا
بسرعة روح وقّف ع البواب

نور سوار ---
العتابا مدوزنة بالقاف بالآف
ومتل صياد انا الشعراء بالقاف
بغنّي بيوت للأحباب بالآف
وماعندي مشكلة ياأخ بالقاف
... مارح قلّك ياعمّي آه بلّ آآآآآآآف
ولك فيني أحبس الكلمات بالقاف
ومن غير نقط بتلي بالكتاب
أبو زيد
المعاني من صميم الشعر بلقف
وبهدي الثمر للمحبوب بالقف
بفخر بعبي التم بالقاف
ومنقرا الحرف كما بينكتااااب


في سلام التأمل الأعمق غوراً يبصر المتأمل بدرَ الحضور الإلهي منعكساً في بحيرة النفس.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
شوية عتابا
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
أصيلة :: منتدى الثقافي :: شعر-
انتقل الى:  
سوريا اللة حاميها

Share

 

  Display Pagerank  

صفحة جديدة 1