أصيلة


 
اليوميةس .و .جالمنشوراتالرئيسيةبحـثالأعضاءمكتبة الصورالتسجيلدخولالمجموعات

شاطر | 
 

 حلو هالحكي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
زيد


avatar

عدد المساهمات : 199
نقاط : 3137
تاريخ التسجيل : 29/06/2010

تطبيقات
شارك هذا الموضوع:

شارك هذا الموضوع: Share

مُساهمةموضوع: حلو هالحكي    الإثنين فبراير 27, 2012 12:29 pm

Noor Sewar‎
الدني مرجوحة تتمايل عالميلين
******* والمرأة زهرة دوم تحلّيها
بنشفها إحـنا زين وشين
******* مرة زهرة ومرة قنبلة فيها
الشاب بيقول كحيلة العين
****** وبيتمنى بجنبو تطول لياليها
والشايب ينده حياتي وين
******* ويصلي لربو حتى يخلّيها
هي الرقيقة وأنيسة القلبين
****** والتعاسة بتكون يوم نجافيها
ونعيش معها العمر عمرين
******* وتجمّل حياتنا بكل معانيها
ما بيختلفو فيها أبد إثنين
******** الكل بيسعد يوم تلاقيها
إذا كان الحب يجمع الشخصين
***** وحياة المحبة تسقي روابيها
تسطع الشمس وينتهي الشين
***** وتفرح القلوب بكل نواحيها
وإذا حدا شاف فيها البين
**** وشاف العثرات بحياتو تملّيها
بتظهر النتيجة إلو بعدين
***** وبيعرف التعاسة هي تداويها
المرأة هي أم إلّها كل دين
******* وعلينا واجب دوم نحييها
المرأة شريكة كل زوجين
***** بيتبادلو المحبة وكل مراميها
هي أخت وصديقة كل حين
****** وكل البشر تسعى ترضّيها
هي نبع العاطفة والحنين
****** وعطاء سماوي يوم بتكون
جميلة وشعلة الحب تدفّيها


في سلام التأمل الأعمق غوراً يبصر المتأمل بدرَ الحضور الإلهي منعكساً في بحيرة النفس.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
زيد


avatar

عدد المساهمات : 199
نقاط : 3137
تاريخ التسجيل : 29/06/2010

تطبيقات
شارك هذا الموضوع:

شارك هذا الموضوع: Share

مُساهمةموضوع: رد: حلو هالحكي    الإثنين فبراير 27, 2012 12:48 pm

على دلعونـا وعلـى دلعونـا

ياسهى واحمد طلّو ولا قونـا***
سهولك يا بلادي شعر وغنيي

ترندحها بصوتها هالطرطوسية

خلقت ع البحر ومش جبلاوية

والساحل بعدوكحلة َ عا جفونـا

مشينا بدرب جبلنا وسهلنا
بقدومك عالمملكة رحبنا سهلنا
انا وقت اللي عرفت انو سها لنا
صرت غني مدري شو السبب


يا بحري ردلي إن كنت هادي ...
هيدي مملكة ولا شو هادي ،،،
اجت نور ولقلبي صارت هادي ،،،
لمكان فيه أحلى وأغلى الحباب ،،،

على دلعونا وعلى دلعونا

إنتو عيني ورمش الجفونا

على دلعونا طيرتي صيامي

روحي عا الجنة بكرا قدّامي

أوعا من راسي تشيلي أحلامي

وسوسح في حبك وأصبح مجنونا


على دلعونا وعلى دلعونا
نزلنا تندلعنْ .. كرمال عيونا

على دلعونا .......ويا طرطوسية
الربْ يجازيكيْ... شوْ عْمْلتي فيِّ
قلبيْ بالماضيْ ...عاشْ بحريّهْ

ولِمْ شافْ عُيونكْ ...صَفـّى مسْجونا

على دلعونا .....وعلى دلعونا
النارْ بدنيتنا .......لوْ صَوَّامونا
على دلعونا........... حْوْاليكِ حايمْ
وحِلميْ بِ بحْركْ ...منْ مدة ْعايمْ

بيرْسى عَ تمِّكْ .......ب يقلـِّو صايمْ

وموجاتْ عُيونكْ ..........بِ بيْعِدونا

ربيع الجبل نسم هواك مارق ،،،
والغزل نسجتوه وقلبلك مارق،،،
عتبت على سهى وإنت مارق ،،،
ما بتعرف إنك غالي بالعين والهداب ،،،

على دلعونا طيرتي صيامو
روحي عا الجنة بكرا قدّامو

أوعا من راسو تشيلي أحلامو

ويسوسح فيكي ويصبح مجنونا

قـلبي يا قـلبي بْأحلامـو شــافـِك

و جَنّ ْ بْشلاّل الشَّعرْ الـ ْ عَكتافك

احجِزيلي كرســــي عا نار شْفافِك

مـادام الجَّنه مـَنـَّا مـضـمـونـا
وعلى دلعونا وعلى دلعونا

ياأهلا بسهى وياأهلا بلووونا

على دلعـونا وعلى دلعـونــا

حلوة يابـلادي ترابك حنونـا

علـى دلعـونـا غَـمـزتـو غمـزة

عشبقتـو متـل الألـف بالهمـزة

ولساني قـلــي نسـيـتـو الأرزة

معـلَّق تركتـو قلبـو

على دلعونا وعلى دلعونا

يا حابايبنا شو جننتونا

شربنا وسكرنا وفضينا قناني

بمملكتي سْهرنا السّهرة عمراني

سَحْرِتْ خاطرنا عيون العشقاني

وبالشِّعر سْحَرْنا سهى الحنونا
على دلعونا .......وعلى دلعونا

خمرة نظراتكْ.....مَـ يدوِّيخونا((

على دلعونة .......بهالرمشْ القاسيْ

فضَّيتيْ قـْنانيْ .....وعِبَّيتيْ راسيْ

بسْكـُبْ منْ قلبيْ..و برفعلكْ كاسيْ

كرمالْ تضلّيْ ...عْلـْيِّ حَنونهْ

سوريا بقلبي وعنوان جبينـي

وطرطوس بروحي وعمري وتكويني

بموت وبتضـلا رايـة بسنينـي

مهمـا تغربـنـا أو غربـونـا؟؟
على دلعونا........... وعلى دلعونا

يا محلى السكرهْ ..بكاساتْ عيونا

بغمزة عينيكي.......ياسهى تروِّيْ

خطييْ محبوبكْ ...ما فينو قوِّة ْ

همزة ْ بأحلامو ....بِ ليلو ضوِّيْ

ولاتكونيْ مَدَّهْ ... بآهو الْمحزونهْ.....
إفهم أحلامي وافهم أفكاري

يا قلبي الراكض تلحق أخباري

شلال الشعر العاكتافي جاري

خصلة عتابا وخصلة دلعونا,,,,

على دلعـونـا = وعلى دلعـونــا
حلـوة يابـلادي= ترابك حنـونـا
سوريـة بقلبي = معّمـر تمثــالا
جنـة والثـوب = الأخضـر شـالا
تتباهى بسهـلا= ونغمة شـلالا
يامحلى كرما = وطعمة زيتونا

يا ضيعتي عاكتافك غفي الحكي ،،،
ومن جبالك صارت الدلعونة مدللة -،،
يا نور عامهلك علينا ولا تركضي،،،
اعطينا وقت تنفكر بالجواب ،،،

خيي ومش خيي لا تزيدا عليي
نحنا بشعرنا منكتب غنية
الكلمة من شفاف الشعر المحكية
بمملكتي سهى كحلنا عيونا


على دلعونا........... وعلى دلعونا
يا محلى السكرهْ ..بكاساتْ عيونا

بغمزة عينيكي.......ياسهى تروِّيْ
خطييْ محبوبكْ ...ما فينو قوِّة ْ

همزة ْ بأحلامو ....بِ ليلو ضوِّيْ
ولاتكونيْ مَدَّهْ ... بآهو الْمحزونهْ
بخضرة أحلامو .. بزرعلـو وردة
جوري بقطفلو ..من حمـرة خـدي
همسة ع شفافـي.. طعما ماوردي
بطبعهـا ع شفة.. قلبـو الحنـونا
فرحنا بضيفنا القادم وداني
وع درب زهور المحبة وداني
انا برحب بشخصك وداني
عسى بضيافتي تنال الارب
يا داني بحضورك حضر كل طيب ،،،
شرفتنا بنسبك لكله طيب ،،،
ناطرين عتابا كلها طيب ،،،
الكلام والمعاني والفرح ،،،


في سلام التأمل الأعمق غوراً يبصر المتأمل بدرَ الحضور الإلهي منعكساً في بحيرة النفس.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
زيد


avatar

عدد المساهمات : 199
نقاط : 3137
تاريخ التسجيل : 29/06/2010

تطبيقات
شارك هذا الموضوع:

شارك هذا الموضوع: Share

مُساهمةموضوع: رد: حلو هالحكي    الإثنين فبراير 27, 2012 12:59 pm

إذا بدك تعيش بْلا مشاكل
و عن هموم الخليقة دوم غافل
وفاضي البال و مروّق بعيشك
واسمك دوم عالي بالمحافل
يا عمي في إلك عندي نصيحة
و صادق بالنصح ماني مجامل
حوا يا صديقي بعيد عنها
لا تعشق لا تحب و لا تغازل
كل البلا منها و المصايب
و الهموم بتجي منهْا قوافل
مثل الشر بتنغّص حياتك
و مثل البحر بتغرق النازل
مثل النار تحرق من يقرب
عليها و بلظاها يصير شاعل
مثل الأفعوان بجلد أملس
وْ بملمسها الحريري سم قاتل
مثل الورد منظرها بيغري
لكن شوكتو بتعمل عمايل
مثل النحل تعطي الشهد لكن
أوعى الشهد تلحس لا تحاول
بتلسع في ابرها الجلد حتى
يصفّي جلدك معبا دمامل
مثل الخمر طعمو كثير طيب
لكن سكرتو تسبب بهادل
من الخارج بتظهرلك لطافة
وْ بداخلها بواريد و قنابل
إذا بدك تجابه جنس حوا
بتخسر لو كنت أشرس مقاتل


حواء هيي العاطفي القلب الندي
هيي المحبي والحنان السرمدي
بتعطي الغذا للطفل في عمرو الصغير
وتعطي السعادي للكهل والامرد


لكن بالحقيقة ما منقدر
الا نقتفي دروب الأوائل
اللي حبوها و قالو الشعر فيها
و عشقوها رغم قول العواذل
بلاها الحب مالو وجود حتى
ورغم كل الكلام الي ذكرتو
العمر من دونها جامد وخامل
وبلا حوا ما فينا نعيش حتى
إذا كانت سبب كل المشاكل

سميتك نور قلبي وعنك راحل ..
وبعد كلامك عني ما راح حل ،،،
وحوا لغز الكون وما إله حل ،،،
بدونه جنس أدم بيعفن بالتياب ،،،،

عاري؟؟ سهم؟؟ شوباك يا جاري ... وَيلي عـ َ هالحكيات !! شحّاري

ما بين عاري وْ منستر شـ ُ نـْقال ... ركِّزْ معي تـَتـْجود أفكاري

خصمَك أسد لابس عـَ كتفو شال ... داري عـ َ باقي هَيبتك .. داري
داري انا هيكل بصدر و شال ... تابوت عهد الواحد الباري

مـْغَطّى بـْذهب و كْنوز بَيت المال ... و حْجاب خَلْفو حْجاب مِتْداري.

ياولف علي لو فيك رُوح اسأآل ... عـا صانِع تْوابيت بازاري

مِشْ طايِل التّابوت؟ ماشي الحال: ... دَوِّر عـَ توته و احتمي بـْوَرْقه

تَتْكون عالمنبر شِبِه جاري


في سلام التأمل الأعمق غوراً يبصر المتأمل بدرَ الحضور الإلهي منعكساً في بحيرة النفس.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
زيد


avatar

عدد المساهمات : 199
نقاط : 3137
تاريخ التسجيل : 29/06/2010

تطبيقات
شارك هذا الموضوع:

شارك هذا الموضوع: Share

مُساهمةموضوع: رد: حلو هالحكي    الإثنين فبراير 27, 2012 1:14 pm

اهلا وسهلا بك يالونا الاسد
قصدي الفراغ بهمتك لازم اسد
وعاكل منبر شعر لازمنا أسد
يحمي العتابا ويعزف بلحن الهنا ...

يا خلاني أنتم معاي تنوين
أراكي ريمتي عالهجر تنوين
خلق الله فوق العين تنوين
الم نشرح وفاتحة الكتااااب



من صدرك أنا بطعّم عدالي
وسواس الشعر ينفح عداله
وعلى هـ النعم خلقو عدا لي
وشافوني شموخ عنقودو ع داله
ومواسم خير شو عطفو عدا لي
وبرأين خير م يوافق لهب

ع بابون لو عدايي بشر دق
قلوبن بالوفا وخمرو بشردق
وع جنح الحب وصلتني بشر دق
ي قلبي وعيف عنّات الرباب

على الاعداء ياسمينة بصلتك
وع كل المملكة وال فيها بصلتك
عزمينا ع الغدا تانكسر بصلتك
وامانة شرفونا ياحباب

هواكي مجّد بجرحي حرامي
وحلالي بهدلو ونسّل حرامي
ونادم أنا عا انّي حرامي
وسرقت شواق شيطان

ياداخل مملكة وجاي تبارك
نورا مو خرج انها تباريك
سألت الله بعما وتبارك
وبسر الفاتحة يحمي الحباب

ياسمرة اللي تتغاوي في سمارك
دعيني ضل اقطف في سمارك
فأنتي متل نجمة في سماريك
الشمالي والقمر شافك هراب

مقطـوعـتك بالـلوج ياعـمّي
بعـد الـقـراءة أفـرجـت هـمّي
الألوان يلّي اخترتها ياشب
من صِغَرْ ِسنّي حروفها بدمي....


ب قلبي دهب كنتي وماس كنتي
صرتي جرح فيي وما سكنتي
فاح العطر مطرح ما سكنتي
ومطرح ما دعستي ع الترااااااااااااب ...


شيلو خمر شفافك تماسكو
ودخيل شعرك يلي جانن تماسكو
انتبهي لحالك وياشعار تماسكو
متل السيل جاي اجرفكم انا


تمك زهر وشفافي نحلي
وقلبي و كل عاطفتو نحلي
هرمت وع فراقها زاد نحلي
وبربك عودي ودقي البواب..

مشاكل العمر قدرنا نحلهم
بنات السمر يعجبنا نحلهم
قادرين هالشعار بكلمة نحلهم
نرميهم الف متر على جنب

كفانا حاجب عيونك تحفيه
انزلي شويه عالبحر تحف فيه
ووقت ماتدعوسي برجلك تحفي
تحتى يقلب رمالو دهب..

مقطـوعـتك بالـلوج ياعـمّي
بعـد الـقـراءة أفـرجـت هـمّي
الألوان يلّي اخترتها ياشب
من صِغَرْ ِسنّي حروفها بدمي....

جدايل عـَ كتافك لولحبهم
تشاهد هالعقود اللولو حبهم
قسم بالله يا عالم .. لولا حبهم
ما في عاشق ترا ببْلوه انصاب

أنا دروب خلاني رحتهم
مع النسمات بستنشق رحتهم
بدي حبابنا ينالو رحتهم
انا معليش لو دقت العذاب

جايي عامملكتي على موقع عريق
منبع عتابا وبالشعر ما بل ريق
شايف أسامي كتار ما إلها بريق
زهر اصطناعي ما إلو عطر ورحيق
مع مين بدي إسكب الخمر العتيق
سألت المنابر عن نسر جنحو طليق...
____________________________________
أنا للشِعر مِدْماكو وْ عِمادو = وْ زِنادو وْ طلْقِتو وْ ينبوع زادو

تـ َ زيد بْرِفْعِتو أكثرْ و أكثر= انمحى بوزيد واتسمى زيــادو
قبلك ما بعرف مين في شعري قضى
و بوزيد عمل قاضي و على قولي قضى
و بوزيد بعــــد ما راهن و عــنا قضى
لازم يأكّـــــــــــــــــد ما هوعايب شعرنا


في سلام التأمل الأعمق غوراً يبصر المتأمل بدرَ الحضور الإلهي منعكساً في بحيرة النفس.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
حلو هالحكي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
أصيلة :: منتدى الثقافي :: شعر-
انتقل الى:  
سوريا اللة حاميها

Share

 

  Display Pagerank  

صفحة جديدة 1